Tilkynningar og fréttir

Auglýst er eftir tilnefningum til viðurkenninga í umhverfismálum í Húnaþingi vestra 2015. Veittar eru viðurkenningar vegna umhirðu húsa og lóða/landareigna, endurgerð húsnæðis og framlag til umhverfis og samfélags.  Nefnd vegna umhverfisviðurkenninga er skipuð af sveitarstjórn og heldur nefndin utan um valið.  Nefndin skoðar garða/svæði með tilliti til umhirðu, umgengni, hönnunar, skipulags og áherslu á umhverfismál. Umhverfisviðurkenningar verða veittar á fjölskyldudegi Elds í Húnaþingi, laugardaginn 25. júlí. Hægt er að skila inn tilnefningum til Ínu Bjarkar, umhverfisstjóra á netfangið umhverfisstjori@hunathing.is

Við Grunnskóla Húnaþings vestra eru lausar eftirtaldar stöður    

                          Við leikskólann Ásgarð, Borðeyri eru laus staða:

Kattaeigendur eru beðnir um að fylgjast vel með köttum sínum og tryggja að þeir séu merktir og  með bjöllur um hálsinn. Nú er sá árstími sem að fuglar eru að reyna að koma upp ungum sínum en kvartað hefur verið yfir því að margir ungar lendi í kattarkjafti.

Í tilefni af 100 ára afmæli kosningaréttar kvenna á Íslandi verða skrifstofur Ráðhússins lokaðar frá klukkan 12 á hádegi föstudaginn 19. júní. 

Við Grunnskóla Húnaþings vestra eru lausar eftirtaldar stöður 80-100% staða stuðningsfulltrúa á unglingastigi. Um er að ræða fullt starf allt árið. Utan starfstíma skólans er unnið við aðalhreingerningu og frístundastarf. Gert er ráð fyrir að unnið verði í matar og kaffitímum með nemendum og vinnutíma lýkur fyrr á daginn sem því nemur. 50% staða stuðningsfulltrúa á unglingastigi. Um er að ræða starf allt árið. Utan starfstíma skólans er unnið við aðalhreingerningu og frístundastarf. 60-80% staða skólaliða. Um er að ræða fullt starf allt árið í frímínútnagæslu og eftirliti með nemendum frá kl. 9:00 – 14:00. Utan starfstíma skólans er unnið við aðalhreingerningu og frístundastarf. Gert er ráð fyrir að unnið verði í matar og kaffitímum með nemendum og vinnutíma lýkur fyrr á daginn sem því nemur. Tvær 35% stöður við ræstingar seinnihluta dags. Starfstími er allt árið, utan starfstíma skóla er unnið við ræstingar, aðalhreingerningu og frístundastarf. 50% staða í matsal skólans. Unnið með matráði við framreiðslu, undirbúning og frágang. Starfstími er allt árið.