Tilkynningar og fréttir

Það heldur áfram að vera líf og fjör í sundkeppni sveitarfélaganna. Það er greinilegt að þessi keppni er ákaflega jákvæð og hvetjandi fyrir fólk. Sundkeppnin stendur til sunnudagsins 27. september þannig að úrslit verða birt nk. mánudag. Höldum áfram að vera hvetjandi og breiða út boðskap um mikilvægi hreyfingar. Allir í sund! Hér að neðan má sjá niðurstöður úr sundkeppni sveitarfélaga eftir 4 daga!  

Sveitarstjórn Húnaþings vestra  samþykkti þann 16. september s.l. að leita umsagnar á skipulagslýsingu skv. 1. málsgrein, 40. gr. skipulagslaga nr. 123/2010. Deiliskipulagssvæðið liggur neðan Strandgötu og Höfðabrautar á Hvammstanga og er um 11 ha að stærði.  Samkvæmt Aðalskipulagi Húnaþings vestra 2014-2026 er svæðið skilgreint sem  hafnarsvæði og verslunar- og þjónustusvæði.

Hreyfivikan byrjar vel í Húnaþingi vestra og fékk Íþróttamiðstöðin um það bil 131 gesti í gær,mánudag! Hér að neðan má svo sjá niðurstöður úr sundkeppni sveitarfélaganna eftir fyrsta daginn og gaman að sjá að okkar sveitarfélag er í 2. sæti sem við getum að sjálfsögðu verið stolt af.

Hreyfivika á Hvammstanga 21.-27. september 2015 Komdu og vertu með-Fjölbreytt hreyfing í boði fyrir alla fjölskylduna. Tilgangur hreyfivikunnar er að hvetja til virkrar hreyfingar og þáttöku í íþróttum

Í tilefni af Hreyfiviku UMFÍ hafa fjölmörg sveitarfélög á landinu skorað á hvert annað í sundkeppni. Keppnin fer fram dagana 21.-27.september, báðir dagar meðtaldir. Þátttakendur skrá á eyðublað sem liggur frammi í afgreiðslu sundlaugar hversu marga metra er synt á hverjum degi. Sundæfingar og skólasund telst ekki með. Skráðu þínar ferðir og taktu þátt fyrir þitt sveitarfélag. Allar nánari upplýsingar á www.umfi.is

258. fundur sveitarstjórnar Húnaþings vestra verður haldinn miðvikudagur 16. september 2015  kl. 15:00 í fundarsal Ráðhússins.  

Við minnum á að frestur til að sækja um styrki frá sveitarfélaginu til einstakra verkefna á næsta ári rennur út nk. þriðjudag 15. september. 

Íbúar Húnaþings vestra athugið. Skrifstofa Ráðhúss Húnaþings vestra verður lokuð í dag fimmtudaginn 10. september vegna uppfærslu tölvukerfa. Hægt er að senda erindi á netfangið  skrifstofa@hunathing.is

Átak til atvinnusköpunar er styrkáætlun atvinnuvega- og nýsköpunarráðuneytisins fyrir nýsköpunarverkefni og markaðsaðgerðir starfandi frumkvöðla- og nýsköpunarfyrirtækja. Nýsköpunarmiðstöð Íslands hefur umsjón með umsóknarferlinu fyrir hönd atvinnuvega- og nýsköpunarráðuneytisins.

Illugi Gunnarsson, mennta-og menningarmálaráðherra var á þriðjudaginn á ferð um Norðurland vestra og undirritaði þjóðarsáttmála um læsi, ásamt fulltrúum sveitarfélaganna á svæðinu og fulltrúa Heimilis og skóla. Verkefnið er samstarfsverkefni mennta- og menningarmálaráðuneytis, Sambands íslenskra sveitarfélaga, Kennarasambands Íslands og samtakanna Heimili og skóli. Markmið verkefnisins er að við lok grunnskóla geti öll skólabörn lesið sér til gagns en lestrarfærni er forsenda virkrar þátttöku í lýðræðissamfélagi