Tilkynningar og fréttir

Vegna viðgerð á  nudd potti verður hann lokaður frá og með mánudeginum 8. janúar og þar til viðgerð líkur.  Gera má ráð fyrir að viðgerð taki tvo til þrjá daga.Íþrótta- og tómstundafulltrúi Húnaþings vestra

Áætlað er að söfnun á rúlluplasti fari fram vikuna 15. – 19. janúar nk. Þeir bændur sem óska eftir því að nýta sér þjónustuna vinsamlega tilkynni það til skrifstofu Húnaþings vestra í síma 455-2400, eða á netfangið: skrifstofa@hunathing.is, fyrir 12. janúar nk.

Eins og undanfarin ár býður sveitarfélagið upp á hirðingu jólatrjáa frá íbúum á Hvammstanga og Laugarbakka, og kemur til förgunar. Íbúar þurfa að koma trénu tryggilega fyrir utanhúss á sýnilegum stað vilji þeir nýta þjónustuna.

Við viljum vekja athygli á því að ný gjaldskrá fyrir Íþróttamiðstöð Húnaþings vestra tók gildi frá og með 1. janúar 2018

Það var fríður hópur fólks á öllum aldri sem nýtti síðasta dag ársins vel og skellti sér í árlegt gamlárshlaup. Vegalengd og hraði fór eftir hentisemi hvers og eins. Eftir hlaupið skelltu hlauparar sér í pottinn og nutu samverunnar í hitanum. Metþátttaka var í hlaupinu í þetta sinn, alls voru 19 hlauparar sem tóku þátt og gengu, skokkuðu eða hlupu sína vegalengd.

Sveitarstjórn Húnaþings vestra samþykkti á 292. fundi sínum þann 14. desember 2017 að leita umsagnar og kynna skipulags-og matslýsingu fyrir minniháttar breytingu á aðalskipulagi Húnaþings vestra 2014-2026 eins og 1. mgr. 30. gr og 36 gr. skipulagslaga mæla fyrir um.